අවශ්‍ය ද්‍රව්‍ය
- බිත්තර 02
- සීනි ග්‍රෑම් 30
- කිරි ග්‍රෑම් 500
- උණු කළ බටර් ග්‍රෑම් 50
- බේකින් කුඩු තේ හැඳි 1/4
- පිටි ග්‍රෑම් 240
සාදා ගන්නා ක්‍රමය
- සිහින් පෙරනයක් භාවිතා කර වියළි අමුද්‍රව්‍ය සියල්ල හලාගෙන පසෙකින් තබන්න.
- බිත්තර සහ සීනි මිශ්‍ර කරගන්න.
- උණු කළ බටර් සහ කිරි ඊට එකතු කරගන්න.
- මේ මිශ්‍රණයට හලා ගත් වියළි අමුද්‍රව්‍ය එකතු කර ගැටිති නැති වන තුරු හොඳින් මිශ්‍ර කරගන්න.
- මිශ්‍රණය හොඳින් පෙරාගන්න.
- භාවිතයට පෙර මිශ්‍රණය ශීතකරණය තුළ තබා ගන්න.
- වොෆල් තැටියට මිශ්‍රණය වක් කිරීමට පෙර, බ්‍රෂ් එකක් භාවිතයෙන් තැටිය මතුපිට බටර් තවරන්න.
- බටර්ස්කොච්, ස්ට්‍රෝබෙරි හෝ චොකලට් වැනි ඔබ කැමති සෝස් වර්ග, අයිස්ක්‍රීම් සහ නැවුම් පලතුරු සමඟ ගෙදරදීම සාදා ගත් වොෆල්ස් උණු උණුවේම රස විඳින්න!
